Site Name

Walgahiin ummataa tun  kutaa ABO kaanaadaatiin qophoyte. Walgahii kana irratti miseensoota ABO  kutaa kaanaadaa, miseensoota Caayaalee ABO fi Ummata Oromoo magaalaa Toronto fi naannawa kana qubatantu hedduminaan irratti irgame.  Hogganni dhaabaa walgahii kana irratti ibsa kenne MSHG, ABO fi GDDA, ABO J/Tamaam Yusuf. Hirmaatonni walgahii kanaa   Ibsa hogganni kenne irrattiis gaaffii qaban gaafatanii deebisaa quubsaa waan argataniif  gumaata diinaggee  dhaabni gaafate gumaachuu jalqaban, sagantaan gumaataa akkuma raawwateen marii ti seenan,  xumura marii irratti  ibsa ijjannoo armaan gadii kana baafachuun walgahii isaanii Injifannoon xumuratan:

1. Gootoota ilmaan Oromoo qabsoo bilisummaa bakkaan gahuuf lubbuu isaanii nuuf wareegan hundaa niyaadanna kaayoo isaan bakkaan gahuuf irratti wareegaman bakkaan gahuuf  irbuu seenne haarahofnne.
2. Injifannoolee dhaabni keenya ABOn hamma ammaatti galmeessetti ni boonna, Injifannoolee argannees  ni tiikfanna,
3. Roorroo mootummaa Wayyaaneetiin ummata keenya irra gahaa jiru ni balaaleeffanna, Roorroo akka malee ummata keenya irra yeroo ammaa gahaa jiruus dhaabuuf ni qabsoyoon.
4.  Mootummaa wayyaane fi waahillan isaatiin saamicha qabeenya oromoo irra gahaa jiru ni balaaleeffanna.
5. Irree WBO gaachana qabsoo bilisummaa Oromoo jabeesuuf dirqama nu irraa eeggamu hunda bahuuf  murteefanne.
6. Nu ilmaan oromoo bakka jirru kanatti jaaramnee dhaaba keenya ABO jalatti hiriruun dirqama lammummaa kan nu irraa eeggamu bahuuf qophiidha, dhaabni keenya kana irratti tinnisa barbaachisu akka nuuf  gumaachu gaafanna. 

Injifannoo Ummata oromoof
Gadaan Gadaa Bilisummaati